Гостивар
Заловена уште една убавица рисица, овој пат во НП Маврово близу Ростуше
Македонското еколошко друштво информираше дека заедно со Националниот парк „Маврово“ со помош на кафез-замка, на 24 февруари 2020 година заловиле нова единка балкански рис на планината Бистра во близина на село Ростуше.
„Се работи за рисица на возраст 6–7 години, тешка 15 kg. Единката е здрава и витална, а тоа го потврдува и првиот најден плен на терен – срна, само три дена по заловувањето. Рисицата е крстена Лиса по желба на нашите долгогодишни соработници од НП „Маврово“ и е третата женка означена со околувратник во досегашните мониторинг сесии на МЕД. Досега со радиотелеметрија и GPS-лоцирање се заловенидевет различни единки рис во рамки на истражувачките активности од Програмата за закрепнување на балканскиот рис кои МЕД систематски ги спроведува од 2010 година.“, соопштија од МЕД.
Во постапката за успивањето на животното и земањето биометриски податоци и примероци асистирал претставник од Факултетот за ветеринарна медицина – Скопје, биолог вработен во НП „Харц“, Германија како и вработени во Националниот Парк „Маврово“.
Од дурштвото напоменаа дека фотографиите од ова заловување се направени од Себастијан Кенеркнехт (Sebastian Kennerknecht) од Германија, професионален фотограф за диви животни (https://www.pumapix.com/about/)
Околувратникот ќе обезбеди нови информации за распространувањето и однесувањето на ова критично загрозено животно.
На Балканот се проценува дека има уште 40 возрасни единки на балкански рис, којшто според Меѓународната унија за зачувување на природа (IUCN) е животно со критично загрозен статус.
Оваа сезона првата рисица беше заловена кај Стража.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар