Заменик министерот Шабани и градоначалникот Таравари на средба за состојбите во училиштата

Заменик министерот за образование Арафат Шабани денес беше во посета на Општина Гостивар. На средбата со градоначалникот Арбен Таравари разговараа за актуелностите во наставниот процес, предизиците и состојбите во училиштата и проектите коишто треба да се реализираат.

„Тука сме во Општина Гостивар, дирекно од прва рака да добиеме информации како се менаџира образованиот процес, особено во време на пандемија. Целиме да дадеме наш продонес во департизацијата и професионализацијата во образованието, сакаме да го подигнеме нивото на соработка во реализација на капиталните инвестици. Исто така, да ги согледаме состојбите со наставниците и професорите кои се ангажирани на неопределено. Од наредната година, секој што ќе биде вработен во образованието, веднаш ќе добие решение за работа“, изјави заменик министерот.

Општина Гостивар кај Министерството за образование годинава конкурира со четири проекти:  уредување на покривот на училиштето во Чегране, фасада во ОУ „Гоце Делчев“,  инвестиции во училиштето во село Дебреше и спортската сала меѓу на економското и медицинското училиште.

„Ние би биле задоволни ако и два проекти поминат во Министерството за образование, затоа што до сега не сме земале ниту денар за инвестиции во училиштата. Позитивно е што сега со министерката, а особено со заменик министерот, кој и самиот е од Гостивар, развиваме добра соработка, која се надевам ќе вроди со плод“, рече градоначалникот.

Заменик министерот и градоначалникот од денешната средба испратија заедничка порака дека деполитизацијата и професионализацијата во образованието е неизбежна.