fbpx
Поврзи се со нас

Занимливости

Занимливости за првите чекори на човекот по Месечината

Објавено

на

Теорија на заговор или факти? Еве неколку интересни моменти за стапнувањето на човекот на Месечината.

Теоретичарите на заговори тврдат дека Американците го замолиле Стенли Кубрик да го режира првото слетување на човекот на Месечината.

На 16-ти јули 1969-та година од Кенеди лансирачкиот центар во Флорида, САД, лансиран е Аполо 11. Пет дена подоцна Нил Армстронг стана првиот човек кој стапнал на површината на Месечината. И ден денес некои интересни работи поврзани со оваа мисија предизвикуваат чудење.

Нема добра фотографија од Нил Армстронг од Месечината

Армстронг е првиот човек кој чекорел по Месечината, но не постои негова добра фотографија која тоа го докажува. Онаа најпознатата која кружи по литературата и по интернетот, всушност го прикажува Баз Алдрин.

“Не ми падна на памет да побарам од Баз да ме сними на Месечината. Како и да е, тој е секогаш многу пофотогеничен“, му рекол Армстронг на својот биограф Џејмс Р. Хансен.

Во екипажот на Аполо 11 имало уште еден член

Сите знаат дека по месечината чекореле Нил Армстронг и Баз Алдрин, но во вселенската мисија Аполо 11 бил вклучен уште еден член, Мајкл Колинс. Овој астронаут управувал со командниот модул од вселенското летало Аполо 11 и не се помрднал од орбитата околу Месечината. Иако не бил на површината на ова небеско тело, без него мисијата не би била возможна.

Армстронг со себе понесол нешто важно

Браќата Рајт се првите луѓе кои успеале да полетаат со авион. Тој важен момент во историјата на авијацијата се случил на 17-ти декември 1903-та година. Во нивна чест, Нил Армстронг со себе во вселената понесол дрвено парче од нивното летало Флајер, кое денес може да се види  во музејот Смитсониан во Вашингтон.

Америка била спремна за неуспех

До 1969-та година човечка нога не стапнала на површината Месечината. Иако во програмата Аполо 11 било вклучено 400.000 стручњаци од различни подрачја, сите тие биле спремни на евентуален неуспех на вселенската мисија. Американскиот претседател Ричард Никсон дури имал спремен говор за во случај астронаутите да не се вратат на Земјата.

Луѓето не стапнале на Месечината

Добар дел од светот не верува дека Нил Армстронг некогаш зачекорил на Месечината. Теоретичарите на завери тврдат дека Американците ја губеле вселенската битка со поранешниот Советски Сојуз (кој ги пратил првиот човек и првиот сателит во вселената) па решиле да го возвратат ударот. Го замолиле режисерот Стенли Кубрик кој го завршувал своето ремек дело “2001: Одисеја во вселената“, да го режира првото слетување на човекот на Месечината.

Сомнежите дека слетувањето е лажирано ги подтикнала книгата на Бил Кејсинг од 1976-та година со наслов  We Never Went to the Moon: America’s Thirty Billion Dollar Swindle (Никогаш не отидовме на Месечината: Американската 30 милијарди долари вредна измама). Тој некое време работел во компанијата Рокетдин, која ги проектирала моторите за Сатурн 5, па тврдел дека Америка нема доволно развиена технологија за префрлање луѓе на Месечината.

Иако никогаш не се потврдени неговите тврдења, и денес постојат многумина кои веруваат дека слетувањето било одработено во холивудско студио. Таквите неверници најчесто прашуваат зошто знамето на САД се виори во вакуум.

Advertisement
Advertisement
Advertisement
Advertisement
Advertisement

АНКЕТА:

ДАЛИ ТРЕБА ДА СЕ ЛЕГАЛИЗИРА МАРИХУАНАТА ВО ЗЕМЈАВА?

Популарно изминативе 100 дена

error: Содржината е сопственост на Gostivarpess.mk!