Заострени контроли за маски, во Гостивар 70-тина граѓани ќе платат по 20 евра казна

Затегнати се контролите на полицијата околу почитувањето на мерките за заштита од коронавирусот. Во текот на изминатото деноноќие,  според статистиката на Секторот за внатрешни работи Тетово за неносење заштитни маски на вкупно 133 лицa (Тетово-64 и Гостивар-69) изготвени им се прекршочни платни налози, согласно член 6  од соодветната владина Уредба. Казните се во висина од 20 евра.Се контролира и на отворен простор, каде исто така носењето на заштитна опрема на лицетот е задолжително.

Во истиот период на 134 лица во Тетово и 83 во Гостивар изготвени им се нови решенија за изолација од Државниот санитарен и здравствен инспекторат, а контроли им биле извршени на ТЕ-1238 и ГВ-663 лицe со вакви решенија и при тоа  не било констатирано непочитување на решенијата, соопшти СВР.