Поврзи се со нас

Гостивар

Пожар кај Русино вечерва, интервенираат екипи на гостиварски Комуналец

Запалени гуми и отпад на неколку места близу депонијата Русино вечерва ги мобилизираа екипите на Јавното претпријатие „Комуналец“, кои моментално интервенираат на терен со неколку камиони.

Според директорот на претпријатието, Исак Лазами во прашање е намерно предизвикување пожар во кругот на депонијата, што не е ретка појава.

„Очигледно е дека се работи за човечки фактор и дека ова е намерно палење. Постојано се соочуваме со проблеми од таков тип. Освен што се пали отпад намерно, се случува на пример да се истура по страните на патот до депонијата. Тоа некој го прави за да избегне плаќање. Би сакал да апелирам сите да се однесуваат совесно и одговорно. Да се престане со палење на смет, гуми и слично, да не се остава ѓубрето насекаде, се знае каде и како треба да се депонира.“, рече во телефонска изјава вечерва за Gostivarpress.mk, директорот на ЈП „Комуналец“, Исак Лазами, додавајќи дека иако регионалните депонии веќе две години се под надлежност на Владата, а не на општините, тие како локално јавно претпријатие секогаш преземаат мерки и интервенираат при вакви случаи.

Околу 21 часот во градот се почувствува смрдеа и чад, а мерните станици за квалитет на воздухот покажаа високо ниво на загадување.

 

Сподели:
Остави коментар

Напишете коментар

Advertisement
Advertisement
Advertisement
Advertisement

АНКЕТА

Дали сте задоволни од понудените мерки на Владата, за справување со економската криза?

Резултати од анкетата

Advertisement

Популарно изминативе 100 дена

error: Содржината е сопственост на Gostivarpess.mk!