Македонија

Запленети 60 килограми марихуана вредна над 250.000 евра

Објавено

пред 1 година

на

15/01/2023

Од

Gostivarpress.mk

Мобилните тимови на Царинската управа вчера на граничниот премин Деве Баир запленија 60 килограми марихуана наменета за европскиот пазар.

„Со ова е спречен меѓународен канал на нелегална трговија со дрога. Проценетата вреднос на запленетата дрога на нелегалниот пазар е од 240 до 300 илјади евра.“, соопшти управата.

Вчера во попладневните часови на излез од државата, мобилните тимови од Одделението за оперативни работи од Секторот за контрола и истраги, при вршење на царинска контрола на автомобил со романски регистарски ознаки управувано од романски државјани, во специјално направени бункери во возилото открија 64 пакети марихуана со вкупна тежина од 60 килограми.

Дрогата и возилото се одземени, а лицата се приведени и предадени на Одделението за истраги на понатамошна постапка.

До надлежното Основно јавно обвинителство против двете лица е поднесена кривична пријава и за истите е одредена мерка притвор.

Сподели ја веста:

Поврзани теми:

Следнo

Силен земјотрес близу Тирана, почувствуван во Македонија

Не пропуштај

Мајчинско, татковско и родителско отсуство предвидува новиот Предлог-закон за работни односи