Започна акција за отстранување на стари хаварисани возила во Гостивар

Секторот за внатрешни работи Тетово соопшти дека започна со активности за отстранување на стари харарисани возила, оставени на јавни сообраќајни површини во Гостивари Тетово. Акцијата се спроведува во координација со тетовската и гостиварската локална самоуправа.

„Во првата фаза од овие активности, на сите вакви возила се поставуваат наменски изработени налепници-писмени известувања, со кои се бара во рок од три дена сопствениците на возилата да ги отстранат. Доколку не постапат според наведеното во известувањата, согласно член 63 од Законот за безбедност на сообраќајот на патиштата, возилата ќе бидат подигнати од општинските „пајак-служби“ и ќе се транспортираат на соодветни локации, додека нивните сопственици за тоа ќе треба да платат определен причен надоместок. Покрај ова, на сопствениците ќе им се изготви и мандатен платен налог со глоба од 45 евра во денарска противвредност.“, информира СВР.

Полицијата нагласува дека целта на овие активности е да се обезбеди непречено и безбедно движење на пешаците и другите учесници во сообраќајот, посебно во близина на училишта и други јавни објекти.