Започна процедурата за уредување на земјиштето на депонијата Русино

Се наѕира ли конечно решавање на проблемот со управувањето со отпадот на подрачјето на Полог? Се прават првите чекори регионалната депонија Русино од еколошка бомба, да прерасне во современа депонија, според сите стандарди. Каков ќе биде исходот, останува да се види.

Центарот за развој на полошкиот плански регион започна процедура за уредување на локацијата. Минатата недела, Центарот објави тендер за оградување на земјиштето на Русино. Се бара фирма која ќе изврши обележување и расчистување на трасата, поставување на армирано-бетонски стопи, оградна мрежа и бодликава жица околу депонијата и други градежни работи. Освен тоа планирано е монтирање на сигурносни камери, електронска рампа и рефлектори.

Тендерот е вреден скоро 3,7 милиони денари, а трае до 17 септември.