Започнаа уписите на државните факултети

Денеска започнаа уписите на државните универзитети во земјава. Кандидатите кои сакаат да се запишат на некој од факултетите на Универзитетот „Св. Кирил и Методиј“ документите може да ги поднесат денеска и утре.

Според Конкурсот кој го објави УКИМ, во прва година во учебната 2019/2020 година може да се запишат вкупно 10.665 студенти.

Уписите се отворени и на останатите универзитети во земјава.

Уписите на Универзитетот „Св. Климент Охридски“ – Битола исто така траат денеска и утре.

Во академската 2019/2020 година има 2.935 слободни места, 1.575 во државната квота, 820 со кофинансирање и 540 за вонредни студенти.

Уписите на Универзитетот „Гоце Делчев“ траат до 2 септември.

Првиот уписен рок на Државниот универзитет во Тетово трае до 30.08.2019, на универзитетот може да се запишат 3.125 студенти во прва година.