fbpx
Поврзи се со нас

Спорт

Започнуваат вистинските возбудувања во Младост – КК Гостивар го пречекува МЗТ Скопје

Објавено

на

Денес започнуваат вистинските спортски возбудувања кои ги приредува Кошаркарскиот клуб Гостивар, само овој пат во нешто поинаква улога. По низата лоши игри и четирите порази од последни пет натпревари гостиварци се најдоа во позиција во која „виси“ пласманот во плеј-оф фазата во која продолжуваат најдобрите 8 екипи.

На КК Гостивар до крајот на регуларниот дел му остануваат уште три натпревари (ТФТ Скопје, Работнички, МЗТ Скопје) од кои, доколку сака да се најде помеѓу топ 8, мора да добие еден од овие три дуели.

Прв на мегдан излегува екипата на МЗТ Скопје. Денеска од 16 часот во Спортската сала Младост ќе се судрат овие две екипи кои немаат право на кикс. „Штрковите“ поради ковид пандемијата, како и учеството во АБА2 натпреварувањето имаат одиграно само 12 натпревари и во моментот се наоѓаат на предпоследната позиција, но и со 10 натпревари помалку во кои нема многу простор за калкулации, доколку не сакаат да се најдат во плеј-аут завршницата.

Кај „бело-сините“ ѓаволот ја однесе шегата од поодамна, без разлика против кого, неопходно е да обезбедат една победа, во спротивно оваа гарнитура на теренот ќе ја забележи најлошата сезона во поновата историја на клубот од Гостивар и ќе игра за опстанок.

Силно одекна разделбата помеѓу КК Гостивар и Србиноски, која дојде после изненадниот пораз во последното коло од МЗТ2, но тоа е дел од спортот и обете страни се свесни дека ова е еден од начините, да се разбие негативната серија. Новиот шеф на стручен штаб, Александар Јончевски ќе има „жешко“ деби на клупата на гостиварци, но искусниот стратег бил во неколку вакви ситуации каде во повеќето излегол како победник.

Натпреварот со МЗТ Скопје е закажан за 16 часот и се игра без присуство на публика под засилени безбедносни мерки. Обезбеден е livestream, а МРТВ после подолго време ќе врши директен пренос од Гостивар.

 

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!