Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 11/04/2019 | 08:44

Запознајте го најдобриот пријател на вашиот желудник – суперлековита билка

Оние кои се соочуваат со тегоби во желудникот, подуеност и киселини, својот спас може да го најдат во растението морач, латински Foeniculum vulgare, меѓу народот познато како дива миродија или коморач. Од оваа билка се користат сите делови, корен, листови, семе.

Кои се лековитите својства на морачот?

Го помага варењето на храната. Во Индија на пример, луѓето имаат обичај по вечерата да џвакаат семки од морач за полесно варење на храната. Чај од ова растение, ќе ви ја неутрализира киселината во желудникот. Една лажица семки од коморача прелијте ја со 250 мл. врела вода и оставете да одстои од 8 до 10 минути. Потоа процедете и пијте го додека е млак.

Младите родители треба да знаат дека морачот помага при грчеви кои ги имаат повеќето новороденчиња. Може да користите чај или пак масло направено од семето.

Исто така, оваа билка е одлична за женското здравје, поточно ја ублажува болката за време на менструалниот циклус, а делува и за намалување на тегобите во менопауза. Есктрактот од морач има својства како естрогенот, и на тој начин помага во одржување на хормоналната рамнотежа во женскиот репродуктивен систем.

Со редовно користење на чаеви од морач се прави и детоксикација на организмот и се зајакнуваат коските.

Можете да го користите и во салати, супи и да го додавате во готвени јадења како зачин.

Напишете коментар