fbpx
Поврзи се со нас

Забава

Заработка од отпад-во старите мобилни има злато!

Објавено

на

Отпадот не мора да биде проблем, туку извор на финансии. Додека во Македонија мачиме мака со депонирањето и транспортот на отпадот, во Шведска на пример, има дури недостиг од отпад, затоа што речиси целото количество што се продуцира од граѓаните, оди на рециклирање.

Темата е опширна и сложена, барем за наши услови. Истражувајќи, наидовме на доста интересни податоци околу искористувањето на отпадот, што од него може да се прави, како да се заработи и слично.

-Не го фрлајте стариот мобилен телефон. Во секој мобилен телефон има околу 23 милиграми злато. За една година во светот се произведуваат 1,3 милијарди телефони, а само 10% од нив се рециклираат. Анализите зборуваат дека така, 20 до 22 тони злато завршува во ѓубре.

-Едно истражување за навиките на македонските граѓани покажало дека 19 % од нив чуваат најмалку по еден стар телевизор, 20 % стар телефон, 22 % ладилник, 17 % од граѓаните чуваат стар електричен шпорет, а дури 33 % од нив имаат по некој стар компјутер или печатач во своите домови или визби.

-Со рециклирање на еден тон канцелариска хартија се спасуваат 17 дрва, се заштедува  4.200 киловати енергија и 3.200 литри вода. Односно, со рециклирањето на хартијата се прави помала штета врз животната средина, за 60% се заштедува енергија во однос на добивање хартија од дрво, а за 15% се намалува и потрошувачката на вода.

-Во Шведска речиси целиот отпад се рециклира и се употребува одново и одново. На депонија, како нерециклирачки завршува помалку од 1% од отпадот настанат во шведските домаќинства.

-Приказната за најмалиот бизнисмен со отпад доаѓа од Мисури, САД. Сем Клеин, кој сега има 15 години, веќе на 12 години сфатил дека од отпадот може да се заработува. Слободното време го користел за да ги обиколи локалните компании, од каде што собирал празни кутии, разни амбалажи и слично. Кога ќе соберел доволно, ги селектирал и ги носел кај компаниите што ги произведуваат, кои за тоа му плаќале извесна сума. Сепак, младото момче не се фокусирало на профитот, па парите што ги заработува на овој начин ги донира во добротворни цели.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!