fbpx
Поврзи се со нас

Спорт

Заседаваше УО на КК Гостивар – Ќе гледаме ли меѓународна кошарка во Гостивар?

Објавено

на

Управниот одбор на Кошаркарскиот клуб Гостивар синоќа одржа состанок, прв после прекин на првенството и воведувањето на вонредна состојба во земјава поради коронавирусот, на кој беа донесени мошне важни одлуки за натамошното функционирање на клубот.

На состанокот покрај реорганизациските активности за кои извествиме дека Стојмир Дејановски е нов претседател на УО, проектиран е планот и буџетот за наредна сезона во која можеби кошаркарскиот клуб ќе ги израдува своите навивачи со меѓународна кошарака во Гостивар.

Како дознава Gostivarpress.mk, Управата на клубот ја има на маса понудата од АБА2 лигата, дури остварени се контакти со канцеларијата на Јадранската лига, дадено е зелено светло и Гостивар веќе се наоѓа во план мапата на градови со кои се крои распоредот за натпреварување во новата сезона.

„Учеството во ова натпреварување не зависи од пласманот на табелата, од КФМ ја имаме поддршката како и секој клуб кој сака да се промовира надвор од границите и најважното Управата и спонзорите на КК Гостивар се сериозно подготвени за овој предизвик. Го добивме правилникот за учество во оваа АБА2 лига и мора да признаеме дека е поприлично сериозен проект и критериумите се на многу повисоко ниво од она на што сме навикнати, техничките нормативи се прецизно поставени и покрај финансискиот дел, клучни се за учеството на КК Гостивар во ова натпреварување“, откриваат од КК Гостивар.

Единствена пречка во моментов е спортската сала Младост која не ги исполнува во целост бараните технички услови за натпреварување од ваков вид со која стопанисува Општина Гостивар. Проблем за кој уште вчера е одржан состанок со градоначалникот Арбен Таравари и во клубот добиле ветување дека општината ќе ги преземе сите потребни дејствија до почеток на првенството салата да ги отстрани недостатоците.

„Условите во салата, не се ни блиску до оние кои се непоходни за учество во ваков ранг на натпреварување, греењето во сала, состојбата на соблекувалните, семафорите, кровот на салата, влезните врати, осветлувањето, инфраструктурата околу спортскиот објект се само мал дел од основните предуслови кои ги потенцира комисијата за натпреварувања на Јадранската лига. Поддршката од општината, односно состојбата со спортската сала Младост во случајов е единствената пречка Гостивар да биде рамо до рамо со големите спортски центри од екс-ју републиките. Вчера се сретнавме со градоначалникот на Гостивар, Арбен Таравари кој покажа реален интерес и ни вети дека ќе застане позади оваа голема можност за промоција на нашиот град на меѓународна сцена со што ќе направи напори да ги санира сите недостатоци пред почетокот на натпреварувачката сезона„ велат од КК Гостивар.

Потврда за учеството на гостиварскиот прволигаш во Јадранската лига, треба да се официјализира во наредниот период, откако ќе се добијат цврсти гаранции дека Гостивар е подготвен да се справи со овој предизвик и секако колку тоа ќе го дозволи Ковид-19.

Сподели:
Остави коментар

Напишете коментар

Advertisement
Advertisement
Advertisement
Advertisement

анкета:

Како треба да се одвива наставата во училиштата?

Резултати од анкетата

Отворени огласи за вработување во полог:

- Монтенегро ДОО Гостивар
- Монтенегро ДОО Гостивар
- Монтенегро ДОО Гостивар
- Монтенегро ДОО Гостивар
- Кошаркарски клуб Гостивар А.Д
- VILLA Group DOOEL
- M&M Медија ДООЕЛ Гостивар

Популарно изминативе 100 дена

error: Содржината е сопственост на Gostivarpess.mk!