Здравје и убавина
Заштитете се од Сонцето навреме
Кожата памети се` и враќа. Оваа изрека секој од нас треба да ја има на ум, особено во периодите на првите силни сончеви зраци. Деновиве секако почувствувавте како и колку може да пржи пролетното Сонце. Сите го посакувавме топлото време и едвај чекавме да се пуштиме во долги, опуштени прошетки надвор. Но, не треба да се залажуваме дека Сонцето ништо не ни може, само затоа што не е јули или август. Едно е сигурно, мерки на заштита мора да се преземат, за да си ја зачуваме кожата и нашето здравје.
Стручњаците препорачуваат да користите крем со заштитен фактор најмалку 15 за оние делови кои ви се изложени на Сонце овој период, како рацете или нозете. За лицето секако задолжително. Истиот да се намачка по кожата во доволна количина, бидејќи ако слојот е тенок, може да ја намали делотворноста за 50 проценти. Лицата со светла кожа и со поголем број младежи, треба да го зголемат факторот на заштита и да користат креми со фактор 30 и 50. Правило е кремот да се нанесува 20-30 минути пред изложување на сончеви зраци, за да го впие кожата. И усните треба да се заштитат, а тоа се постигнува со добар балзам со заштитен фактор. Ушите, исто така, се чувствителни, па не е лошо да си носите капче или лесна, проѕирна марама.
На кој начин делуваат препаратите за заштита од сонце? Заштитните спрејови, лосиони, креми се направени од мешавина на хемикали. Неорганските хемикалии ги рефлектираат, односно одбиваат сончевите зраци од кожата, а органските ги апсорбираат штетните УВ зраците, наместо кожата. Како што ги апсорбираат зраците, органските компоненти на кремата полека се распаѓаат и ослободуваат топлина.
Некои неоргански материи, вклучувајќи ги минералите како цинк оксид или титаниум диоксид, делуваат како физички блокатори на сонцето. Тие ги рефлектираат УВ зраците слично како што белата боја ја рефлектира светлината.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар