Засилени акции во Гостивар и Тетово денес, над 170 казни за брзо возење

Денес (24 мај) на подрачјето на СВР Тетово спроведена e засилена акциска контрола за санкционирање на возачи кои управуваaт возило со брзина поголема од пропишаната, информираше Министерството за внатрешни работи. Во акцијата биле санкционирани вкупно 173 возачи, од кои 91 на територија на Тетово и 82 на територија на Гостивар.

92 возачи возеле со брзина од над 50 километри на час над пропишаната, а 16 со над 70 километри на час над дозволената.

„Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.“, наведува МВР.