Засилени контроли на МВР за издувните гасови на возилата во Гостивар и Тетово

Секторот за внатрешни работи Тетово oд 20-ти овој месец на подрачјето на Гостивар и Тетово спроведува засилени контролни активности на техничката исправност на возилата. Во рамките на овие активности посебно внимание, покрај другото, им се посветува на штетните издувни гасови што ги емитуваат возилата.

На гостиварскто подрачје досега откриени и исклучени од сообраќај се 6 возила кои емитувале штетни издувни гасови пове ќе од доволената граница. Бројот на ваквите возила на тетовското подрачје во овој период изнесувал 5, информираат од полицијата.

На сопствениците на технички неисправните возила, кога станува збор за издувните гасови, изготвени им се прекршочни платни налози, а согласно член 42 од Законот за возила глобата за овој вид прекршок изнесува 120 евра во денарска противвредност. Доколку возилото е сопственост на правно лице, предвидена е соодветна глоба и за одговорното и правното лице.

Контролните активности ќе продолжат и наредниот месец во функција на намалување на емисијата на штетни гасови во воздухот и на вкупната аерозагаденост на подрачјето.