Засилени контроли во Гостивар во автобуси и комбиња за антиковид мерките

Секторот за внатрешни работи Тетово ги засили контролните активности и во јавниот превоз на подрачјето, пред се на автобуси, минибуси и комбиња, во кои се превезуваат поголем број патници и апелира до превозниците доследно да ги почитуваат мерките за спречување на ширењето на корона вирусот „ковид-19“. На превозниците посебно им се укажува да се придржуваат на дозволениот капацитет и на сите елементи од протоколот за вршење на јавен превоз.Оние кои ќе ги прекршат пропишаните мерки ќе се соочат со соодветни поднесоци за „непостапување според здравствени прописи за време на епидемија“ (согласно член 206 од Кривичниот законик). Истото се однесува и на патниците кои се превезуваат во јавниот превоз и кои не користат адекватна заштита на лицата, а на кои ќе им следуваат соодветни поднесоци.