Застапниците на „Кирби“ бесплатно вршат темелно чистење во градинките во Гостивар

Компанијата “ДЕВЕ Ком” од Гостивар, која е регионален застапник на Кирби системите за чистење, заедно со своите вработени периодов спроведуваат акција во градинките на ЈУДГ „Детска радост“ со темелно чистење и дезинфекција на душеците и теписоните. Ќе бидат опфатени сите објекти, а компанијата овие активности ги прави целосно бесплатно, за да даде свој придонес за подобри услови на најмалите жители на Гостивар.

„Длабински и темелно се исчитени и шампонирани сите теписи и душеци во градинките во Гостивар. Ние располагаме со најефикасниот апарат во светот кој трајно го решава проблемот со нечистотијата. И никој не заслужува подобар третман од нашите најмили, тие во овие простории поминуваат поголем дел од времето и заслужуваат најдобри услови.“, велат застапниците на Кирби.

Активностите се одвиваат во повеќе етапи, поради комплексноста на работите и големата работна површина. Најпрво беше исчистена градинката „Пролет“, започнати се активностите и во „Цветови“, а потоа следува и „Пчелка“.

Директорката на градинките Мирјана Мицоска рече дека оваа акција е добредојдена за установата и се заблагодари за убавиот гест на компанијата.

„Од име на сите вработени се заблагодаруваме на довербата, се надеваме дека со ова ќе поттикнеме и други компании од нашиот град да придонесат за општото добро“, истакнаа од “ДЕВЕ Ком”.