Затворен локал во гостиварско, се журкале со танчерки и музика во живо

МВР соопшти дека вчеравечер (5 април) во периодот од 20.30 до 21.30, полициски службеници од Полициското одделение Галате извршиле контрола во угостителски објект во Врапчишко поле во близина на автопатот Тетово – Гостивар, сопственост на 46 годишен гостиварец.

При контролата било констатирано дека во објектот има музика во живо, танчерки, како и 11 гости. Во објектот биле затекнати пет женски лица (четири македонски државјанки и една бугарска државјанка) кои работеле како танчерки и пејачки и едно машко лице,  пејач. Сопственикот на објектот бил лишен од слобода по член 206 од Кривичниот законик, додека бугарската државјанка била лишена од слобода поради злоупотреба на туристичкиот престој.
Објектот бил затворен од Државниот пазарен инспекторат, а по целосно документирање и расчистување на случајот ќе бидат поднесени соодветни пријави.