Гостивар
Затворени ковид центрите на интерно и нервно во Гостивар, 16 пациенти се лекуваат на инфективното одделение
По силниот ковид бран што го погоди регионот на Гостивар во март и почетокот на април, состојбата сега е смирена и се одржува на стабилно ниво. Има мал број новозаразени како и значително помалку пациенти со компликации на кои им е неопходна хосиптализација. Поради тоа ковид центрите на интерното и нервното одделение во гостиварската болница, кои претходно беа отворени заради наплив на пациенти, се затворија. Болни од коронавирус сега се лекуваат само на инфективно, каде моментално има осум слободни кревети. Во модуларната болница привршуваат работите за поставување на централен довод на кислород. Таа ќе се активира наредната недела доколку има потреба од проширување на капацитетите.
„Денес на инфективното одделение имаме 16 пациенти, од кои пет добиваат кислородна поддршка, а двајца се во потешка состојба. Моментално пациенти со ковид се хоспитализираат само на инфективно, другите ковид центри се затворени. Очекуваме од понеделник натака да се пушти повторно модуларната болница, доколку има зголемен број на пациенти. Таму се поставува централен кислород. Добро е што состојбата е смирена, немаме голем број на пациенти на болничко лекување“, рече д-р Ратко Наумоски, раководител на инфективното одделение во Гостивар.
Во однос на имунизацијата против коронавирус, кај лекарите нема дилема дека граѓаните треба да примат вакцина. За оние кои ја прележале болеста се препорачува вакцинација по 4 до 5 месеци.
Сите вакцини се добри и населението треба да се вакцинира, вели д-р Наумоски. „Нема добра или лоша вакцина, граѓаните треба да се вакцинираат и секако да ги почитуваат мерките за заштита, за да немаме повторно нов бран. Персоналот на инфективно се вакцинира, еве денес уште тројца примаат вакцина. Јас лично заради патување и правилата со ковид пасоши, преферирам да се вакцинирам со Фајзер, но се надевам и би требало во брзо време да се прифатат сите вакцини како валидни за патување. Инаку, нема вакцина што не е добра“, вели д-р Наумоски.
Бројката на активно заразени со коронавирус во општините Гостивар, Маврово Ростуше и Врапчиште актуелно изнесува 330.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар