Заврши „повлечи-потегни“ меѓу СОНК и МОН – просветарите добиваат 10% покачување на платите од јануари

Министерството за образование и наука и Синдикатот, денес постигнаа договор околу зголемувањето на платите на просветните работници. Конечниот договор предвидува 10% покачување кое ќе стартува од јануари, следната година. Ова е разврската по тримесечните преговори, „повлечи-потегни“ на реалција МОН и СОНК, предупредувачкиот штрајк на првиот ден од новата учебна година и најавите за генерален штрајк.

Министерот за образование Арбер Адеми по постигнатиот договор изјави дека се враќа дигнитетот на наставничката професија, додека претседателот на СОНК, Јаким Неделков изрази задоволство  од исходот и истакна дека ќе продолжат да преговараат за останатите проблеми на просветарите, како исплата на К15, трошоците за превоз и сл.