Завршна претстава на балетската школа во Гостивар

Малите балерини од балетското студио, кое функционира во склоп на Центарот за култура АСНОМ од Гостивар, блеснаа на сцената во завршната претстава. Балетското студио пред публиката од родители, роднини, другарчиња и други гости ја изведе „Снежана и седумте џуџиња“. Балерините донесоа весела, шарена, разиграна атмосфера во салата на Центарот за култура, со што ја крунисаа својата работа и труд за изминатата учебна година.

„Балетското училиште, одлучи да подготви самостојна балетска претстава за крајот на учебната година, за да им даде шанса на сите деца кои го посетувале да покажат што научиле и како се снаоѓаат во улога на вистински балерини и тоа на голема сцена. Се надеваме дека коментарите и критиките ќе бидат позитивни, што за нас ќе претставува мотив да продолжиме со организирање на балетското училиште и следната учебна година“, рече директорот на културниот центар, Луан Зенки.

Балетското училиште во Гостивар го посетуваат триесетина дечиња од претшколска и школска возраст. За совладување на тајните на балетот и за вежби имаат специјално опремена просторија во објектот на Центарот. Училиштето го води професорката Зора Поповска од Скопје, која е професионална балерина