Здрава алтернатива на брзата храна: Вкусни плескавици од зеленчук

Навистина се вкусни, а и брзо ќе ги засака целото семејство. Испробано!

Состојки:

3 тиквици

3 моркови

по вкус сол и бибер

4 лажици пченкарно брашно

презла по потреба

1 јајце

масло за пржење по потреба

Подготовка:

Почнете со рендање на зеленчукот. Ставете ги изренданите тиквици и морковите во чиста крпа, додадете сол и оставете да се исцедат околу 10 минути. После тоа исцедете ја, колку што е можно повеќе течноста од зеленчукот. Додадете ги останатите состојки и сѐ убаво соединете. Обликувајте ги плескавиците и наредете ги на хартија за печење. Во добро загреаното масло испржете ги од двете страни додека не добијата златна боја. Кога ќе ги извадите од тава, ставете ги на кујнска хартија за да се апсорбира вишокот масло од плескавиците. Послужете ги со јогурт и свежа салата.