Гостивар
„Здрави, насмеани и распеани деца“ – во гостиварските градинки одбележана Детската недела
Под мотото „Здрави, насмеани и распеани деца”, со низа различни активности, во детските градинки во Гостивар се одбележа Светската недела на детето.
Последниот настан во вид на хуманитарна акција, се организираше денес, во соработка со гостиварскиот Црвен Крст.
Дечињата донираа облека, обувки, играчки, а во знак на благодарност за хуманоста што ја искажуваат добија скромни подароци.
„Ја завршуваме детската недела со акција под мотото „Од дете за дете“. Преку целата недела имавме разни активности, ликовни, музички со музичкиот соработник, традиционални игри, прошетки на чист воздух. Децата имаат право да бидат среќни, радосни, безбедни, а ние сме тука за да им го овозможиме тоа“, изјави Мирјана Мицоска, директор на детските градинки во Гостивар.
Црвениот Крст и покрај пандемијата не ги запоставува акциите, особено оние коишто имаат традиција, како што беше денешната, секако со почитување на протоколите.
„Децата се секогаш подготвени да покажат хуманост, така е и овојпат, преку собирање на гардероба, играчки кои не им се потребни, а кои за некои нивни врсници, другарчиња многу ќе значат. За нивниот труд и хуманост, Црвениот Крст издвојува скромни подароци, во знак на благодарност“, Горан Михајловски од Црвениот Крст – Гостивар
Собраните донации од дечињата, Црвениот Крст ќе ги распредели до социјално загрозени семјества.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар