Здраво, вкусно и освежително – салата со булгур

Ако сте во потрага по здрави намирници, тогаш дефитинивно треба да го внесете булгурот во вашата исхрана. Се смета за една од најздравите житарки. Содржи калциум, железо, магнезиум, цинк, тиамин, ниацин, рибофлавин, витамин B6. Помага за смалување на  холестеролот, триглицеридите и го регулира нивото на инсулин. Добар е за време на диети поради карбохидратите и диететските влакна што ги содржи. Споредено со кафеавиот ориз на пример, булгурот има дупло помалку калории и дупло повеќе диететски влакна.

Еве една идеја за освежителна салата со булгур.

состојки:

• 200 гр булгур
• 10 листа марула
• 1 младо кромидче
• 1 морков
• 5 шери домати
• 2 роквици
• 1 краставица
• маслиново масло
• сол, бибер
• сок од лимон или јаболков оцет

Подготовка:

Најпрво ставете го булгурот во половина литро вода да се вари. Варете се додека водата не се впие целосно и булгурот не омекне, или отприлика 10-тина минути. Сите зеленчуци исецкајте ги синто и измешајте ги со сварениот булгур, па додадете ги зачините. Вака подготвена оваа салата може да биде додаток, но и лесен ручек или вечера.