Гостивар
Здружението „Заедно можеме“ ја најави филантропската аукција на слики и фотографии изработени од деца со посебни потреби
Здружението „Заедно можеме“ денеска на прес-конференција ја најави Тивката филантропска аукција со слики и фотографии под мотото „Аукција за акција“, што ќе се одржи во среда (30 септември) во хотел-ресторан Игнација – Гостивар, со почеток во 19:00 часот.
„Карактеристично за оваа аукција е што сликите и фотографиите што ќе бидат изложени за продажба, ги создале децата со посебни потреби – членови на здружението „Заедно можеме“, но под менторство на познати ликовни уметници. Сликите се изработија на Меѓународниот ликовен симпозиум „Струга 2020“, а некои од нив беа довршени во посбена работилница во Галеријата „Арт Лукс“ во Гостивар, постојано под менторство на ликовни уметници. Додека во друга активност, ангелите – како што ги нарекуваме децата членови на здружението „Заедно можеме“, под менторство на уметничкиот фотограф, Осман Демири, фотографираа поатрактивните делови на градот Гостивар.“, изјави Шпенди Салија, претседател на Здружение „Заедно можеме“.
На аукцијата ќе бидат изложени 20 селектирани фотографии со димензии 50х70см и ќе имаат иста почетна цена, како и 34 слики со различни димензии, чии почетни цени ќе се разликуваат.
„Нашата цел како здружение „Заедно можеме“ е на аукцијата да собереме 200.000 денари, кои ќе бидат наменети за спроведување културно-забавни и спортско-рекреативни активности со членовите на здружението. Но, собирањето средства не е единствената цел на оваа филантропска аукција на фотографии и слики. Ние сакаме тоа да биде вистински културен настан, но сепак малку поинаков, со сензибилизирачки карактер и ова да е само почеток на нова форма на филантропија. На крајот на краиштата, затоа го избравме мотото: „Аукција за акција“, појасни Салија.
На настанот задолжително да се почитува протоколот за заштита од Ковид-19.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар