Вести
Здруженијата бараат хуман третман на бездомните животни: „Вистинската хуманост не дискриминира“
Четврти април во светот се одбележува како Ден на бездомните животни. Здруженијата за заштита на животните, организираат активности и настани за подигнување на свеста за хуман третман и за вдомување на бездомни животни.
По повод денот, до нашата редакција стигна допис од Здружението за заштита на животните и животната средина ЕДЕН од Скопје. Во продолжение пренесуваме дел од содржината:
„По повод денешниот светски ден на бездомните животни би сакале да ја информираме јавноста дека здруженијата за заштита на животни веќе со години точно го лоцираат коренот на проблемот и вперуваат прст кон децениската неажурност и неисполнителност на институциите, т.е. локалните самоуправи. Веќе со години постои и стратегија за хумано, трајно и темелно справување со бездомните кучиња изработена од граѓанскиот сектор. Во земја со површина колку Македонија проблемот е трајно решлив за 6 месеци до 1 година. За жал, нема никакви напори од страна на надлежните за негово решавање.
Во последниов период сме сведоци на зачестени труења на територијата на целата земја. Истото важи и за убивањето на животните со стапици од жица. Активностите не само сега, туку веќе со години се случуваат истовремено во повеќе општини, што наведува на мислење дека се работи за институционална координирана активност.
Бездомните животни се комплексен проблем за чиешто решавање е потребно да се исполнат повеќе услови истовремено:
– стерилизација/кастрација на повеќето бездомни
– задолжително чипирање на животните со сопственици
– стимулирање кастрација/стерилизација за животни со сопственици
– задолжителни даноци за сопственици што одбиваат да стерилизираат/кастрираат
– даноци за одгледувачници
– едукација на јавност
Бездомните животни со години се убиваат и се трујат и немаме никакво решение на проблемот. Нели е време да се смени тактиката?
Оној што е хуман кон животните е хуман и кон луѓето. Вистинската хуманост не знае за дискриминација“.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар