Зелено светло за изградба на базени во 14 градови, меѓу кои е и Гостивар

Владата на вчерашната седница ја разгледа и усвои информацијата за реализација на Проектот за изградба на 14 пливачки базени во земјава, со што е одобрено отпочнување на постапка за склучување Договор за повеќегодишна јавна набавка за изградба на базените. Средствата потребни за оваа намена во тековната 2019 година, во вкупен износ од 30 милиони денари треба да се вклопат во рамки на расположливиот Буџет на Агенцијата за млади и спорт за 2019 год.

„Агенцијата за млади и спорт е задолжена во наредните три години да ги планира и вклучи средствата потребни за реализација на договорот во буџетското барање за 2020, 2021, и 2022 година, а на општините Штип, Чаир, Струмица, Велес, Неготино, Прилеп, Битола, Гостивар, Карпош, Аеродром, Ѓорче Петров, Кисела Вода, Тетово и Кичево, им препорача да изберат и предложат локација, за која треба дa побараат и обезбедат Одобрение за градба.“, соопшти владината прес служба.

Заменик директорот на Агенцијата за млади и спорт Газменд Ристеми, ја најави изгарадбата на базен во Гостивар, уште во август минатата година. Ристеми тогаш рече дека базенот ќе се гради во во дворот на ОУ Гоце Делчев, а неговата првична намена ќе биде за учениците од основните и средни училишта од Гостивар, додека во текот на распустот базенот ќе биде отворен за сите.