Судијата Зендели од гостиварска Апелација ќе стане член на Републички судски совет

На вчерашното гласање за избор на нов член на Судскиот совет, судијата Ханиф Зендели од Апелациониот суд во Гостивар освои повеќе гласови од својот противкандидат. Судскиот совет информираше дека од прелиминарното сумирање и утврдување на резултатот, Зендели добил 239 гласа, додека другито кандидат Артан Лимани 190. Од вкупно запишани 494 судии во Судскиот изборен именик, гласале 466 судии. Неважечки гласачки ливчиња 37, а неупотребени 28 гласачки ливчиња.

Ханиф Зендели е роден 1968 година во Лисец, тетовско. Завршил правен факултет во Приштина, Косово, а правосуден испит положил во Скопје. Работел во основните судови во Скопје и Тетово, а за судија во Апелациониот суд во Гостивар беше избран во 2016-та година.