Зголемена фреквенција на возила на ГП Табановце за влез во државава

Интензитетот на сообраќај на патните правци надвор од градските средини е зголемен, бележи во последното соопштение Автомото Сојузот на Македонија. Од таму известија дека на граничниот премин Богородица за излез од државата, времето на чекање е од 15 до 30 минути, додека на граничниот премин Табановце за влез во државава се чека околу 30 – 45 минути. На останатите гранични премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.