Зголемени плати од 5 до 25% во здравството од февруари 2020-та година

Синдикатите и Министерството за здравство постигнаа договор за покачување на платите. Месечните примања на лекарите-специјалисти ќе се зголемат за 25%, на општите лекари за 15%, на медицинските сестри за 10%, додека на здравствените соработници 5 проценти. Покачувањето ќе почне да важи од февруари 2020-та година.

„Постигнавме договор за до сега невидено, рекордно зголемување на платите на здравствените работници и соработници. Кумулативно заедно со сите други зголемувања од 2018 година наваму, основната плата на лекарот специјалист ја зголемивме за 40%, а на медицинските сестри меѓу 20 и 23%“, изјави денес, министерот за здравство Венко Филипче.

Покачувањето ќе опфати вкупно 15 илјади вработени во здравствениот сектор.