Жена завршила во болница откако се затрула со таблети

Лекарите во гостиварската болница вчеравечер укажале медицинска помош на жена која била примена со симптоми на труење. Како што информираат од полицијата, синоќа околу 20 часот и 30 минути, во болницата во Гостивар била донесена четириесет и четиригодишна жителка на селото Топлица, која испила и се затрула со поголема количина таблети. Жената веројатно одеднаш испила дваесетина апчиња, кои подолго време ги користела како терапија.

Откако и се слошило, семејството ја донело во болница, каде по добиената  лекарска помош, во стабилна состојба била пуштена дома.

Се работи на расчистување на случајот, односно мотивите за труењето и се друго, соопштуваат надлежните.