Жештини и високо УВ зрачење во наредните денови

Денес е понеделник, 209-от ден од годинава. Сонцето изгреа во 5 часот и 25 минути, а ќе зајде во 19 часот и 59 минути. Времето денес ќе биде сончево и топло со мала до умерена облачност. Максималната температура ќе достигне до 31 степен.

Утре (вторник) времето ќе биде претежно сончево и топло, а температурите ќе се движат помеѓу 17 и 33 степени. Во среда нѐ очекува сончево и многу топло време со температури од 20 до 35 степени.

Сончево и многу топло време ќе се задржи и во четврток, додека во петок сончевото и топло време ќе биде пропратено со мала локална облачност. Во четврток ќе биде измерена највисоката температура до сега ова лето која ќе се искачи од утринските 21 до максималните 37 степени, додека во петок температурата ќе се движи помеѓу 20 и 35 степени.

УВ индексот на сончевите зраци ќе изнесува 9.