Животна драма на Габриел Батистута

Еден од најдобрите напаѓачи на сите времиња Габриел Омар Батистута поминува низ животна драма поради големите здраствени проблеми со нозете. Во интервју за италјански медиуми откри дека состојбата со нозете му е критична и се движи со потешкотии. – Дадов многу повеќе од што можев да дадам. Затоа сега имам проблеми со одењето. Го сакам фудбалот, тактиката, тренинзите, головите се што се случува на теренот. Тоа беше мојата страст и мојот воздух, но се тоа се одрази на моето здравје – изјави Батистута. Во 2014 признава дека побарал од лекарите да му ги ампутираат двете нозе. Толку беа големи болките што не можев да со ноќи да спијам, болката ме уништи. Кога им кажав да ми ги ампутираат и двете нозе, рекоа дека сум луд – признава Батигол. Батистута кариерара ја започна во 1988 во Њу Олд Бојс, има играно за Ривер Плата, Бока Јуниорс, Фиорентина, Рома, Интер и Ал Араби. На 430 натпревари има дадено 245 голови. Сеуште е најдобар стрелец на аргентинската репрезентација, 78 натпревари 56 голови.