Зијадин Села поднесе оставка од функцијата претседател на АА

Лидерот на Алијанса за Албанците Зијадин Села попладнево на прес-конференција информира дека дава оставка по вчерашниот неуспех на изборите за советници во Советот на Општина Тетово.

На прес-конференцијата во Тетово по денешниот состанок на Претседателството на партијата, Села најави дека повеќе нема да се кандидира за претседател на партијата бидејќи, како што рече, според статутот на партијата тоа право го има само двапати.

-Разговаравме околу настаната политичка ситуација после изборите во Тетово. Јас стојам на секој збор кој го имам кажано, а тоа е дека Тетово не е само една општина, Тетово не е само еден град, Тетово е повеќе од тоа-само еден град. Резултатите во Тетово навистина е дека се надвор од секое наше очекување во врска со Тетово и јас како претседател на партијата сум спремен да преземам одговорност и од овој момент преземам одговорности давам неотповиклива оставка од претседател на партијата, истакна Зијадин Села.

На вчерашните избори, Алијанса за Албанците не освои ниту еден мандат во Советот на Општина Тетово.