Златна чорба која ќе ве окрепи од глава до петици

Супите треба да бидат на нашето мени секојдневно, поради тоа што спаѓаат во лесна храна, а изобилуваат со витамини и даваат енергија на цел организам. Без оглед дали повеќе сакате посна или чорба со месо, потрудете се да ги конзумирате редовно и се разбира најважното – да бидат домашно подготвени.

Овој рецепт е за оние кои преферираат посни чорби. Вистинско витаминско чудо.

Состојки:

една зелена пиперка

четвртина зелка

две главички млад кромид

половина тиквица

два до три моркови

грст ориз

еден домат

еден компир

парче целер

Зачини: бибер, магдонос, босилек, сол, куркума…може да додавате според својот вкус

Подготовка: Сите зеленчуци се сецкаат. Најпрво на тивок оган во тенџере се пропржува ситно сецканиот кромид со малку масло, потоа се додаваат компирот, морковот, целерот, па пиперката, зелката, тиквицата и на крај доматот. Заедно се пропржуваат неколку минути и се налева вода. По 20-тина минути варење се додава оризот и се остава уште кратко време да се довари. Зачините се ставаат на крај.