Злоупотреби: Фирми во Гостивар зеле државна помош за плати, а не ги исплатиле на работниците

Управата за јавни приходи нотира неправилности во користењето на државната помош за минимална плата. Бројни фирми користеле субвенции за плати, а не исплатиле ниту денар на работниците.  Ги има од различни дејности: трговија на мало, подготовка на оброци и служење на храна, градежништво и други.

Гостивар е еден од градовите во кои се евидентирани такви злоупотреби.

„Вкупно 281 работодавач кои примиле финансиска поддршка за април во износ од 9.995.565 денари, не ја исполниле обврската за исплата на плата за 722 вработени. По региони најмногу фирми што не исплатиле плата се од: Скопје 84 фирми, Тетово 38, Струга 20, Гостивар 23, Куманово 16. Во мај вкупно 427 компании воопшто не исплатиле плата за 984 вработени, а добиле финансиска поддршка во износ од 13.698.998 денари. По региони најмногу фирми што не исплатиле плата за мај се од Скопје 110 фирми, Тетово 61, Струга 28 , Гостивар 34, Куманово 21, Струмица 10, Битола 15.“, се наведува во соопштението на УЈП.

На работодавачите кои користеле финансиска поддршка, а им дале плата на работниците им биле доставени опомени. „Доколку не извршат исплата во определениот рок, ќе следи спроведување на постапка на присилна наплата на платата. Исто така, Законот за придонеси од задолжително социјално осигурување во ваков случај предвидува изрекување на глоба за сторен прекршок, а работодавачот ќе биде задолжен да ги врати добиените финансиски средства во целост, заедно со камата, во спроведена постапка на УЈП во соработка со Државниот инспекторат за труд.“, нагласуваат од Управата за јавни приходи.