Значителен пад на цените на суровата нафта на светскиот пазар

Цената на нафтата на лондонскиот пазар утринава изнесува 113 долари, што е значителен пад во однос на претходните денови кога цената беше 121 долар за барел и е најниско ниво од 20 мај. Додека на американскиот пазар барелот падна за 9,2 отсто, на 109,56 долари, што е најниско ниво од 12 мај годинава.

Првиот пад на цената на нафтата на лондонскиот пазар во последните пет недели се должи на стравот на трговците дека побарувачката за „црното злато“ ќе ослабне поради забавувањето на глобалната економија бидејќи централните банки ги зголемуваат каматните стапки поради висока инфлација.