Значителен пад на температурата со засилен ветер

Времето денеска ќе биде променливо облачно со сончеви периоди, ќе дува умерен до засилен северен ветер, а дневната температура ќе опадне за 4 до 6 степени.

Како што соопштуваат од Управата за хидрометеоролошки работи (УХМР), минималната температура ќе биде во интервал од 0 до 8 степени, а максималната ќе достигне од 13 до 20 степени.

Во Гостивар ќе владее променливо облачно време со сончеви периоди и со значително пониска температура. Ќе дува умерен до засилен ветер од северен правец. Максималната температура ќе достигне до 15 степени.

Во текот на следната работна седмица, од УХМР прогнозираат дека утринските температури на повеќе места ќе се спуштаат под нула степени, а дневните само понекаде ќе достигнуваат 20 степени.