Знаете ли како изгледа интернетот?

Повеќето од нас, интернетот, го доживуваме преку екранот на компјутерот, паметниот телефон, таблетот, но ретко кога би се запрашале како сите тие податоци се пренесуваат, распоредуваат, контролираат. Ако физичкиот интернет го замислувате во облик на големи објекти, згради исполнети со кабли, сервери, разноразни светилки, со строго обезбедување, тогаш не сте далеку од реалноста.

Интернетот, всушност се наоѓа во повеќе згради објекти кои се нарекуваат “carrier hotels”, а во кои мрежите на операторите се спојуваат во една поголема мрежа т.е. интернет. Овој процес овозможува стотици километри кабли да бидат споени на наизглед бесконечни редови со сервери.

Питер Гаритано фотограф од Бруклин, посетил пет вакви објекти (carrier hotels) во Њуjорк, за да им го приближи физичкиот изглед на интернетот на обичните корисници, односно како интернетот изгледа во просторот. Пристапот до овие хотели не е едноставен. Во секој агол ве чекаат чувари и припадници на обезбедувањето, сигурносни контролни пунктови со биометриски уреди, па дури и скриени замки. Инаку, вака изгледа интернетот во вистинскиот свет.