Знаете ли колку чини вашиот профил на Фејсбук?

Дали некогаш сте се запрашале од каде Фејсбук има толку пари? Тие не продаваат ништо, рекламите скоро да немаат ефект, ретко кој обрнува внимание на страницата, а сепак вреди милијарди.

Одговорот е: информациите.

Она што Фејсбук го продава за милијарди долари се информациите што ние, обичните корисници, им ги даваме бесплатно.

Во светот на социјалните мрежи, корисниците се машини за пари дури и кога не купуваат ништо. Причината за ова е што социјалните мрежи се исклучително важна и сеопфатна алатка за истражување на маркетингот. Секој пат кога ќе кликнете на „лајк“, „сподели“, се придружите на фан страна или дури додадете нов пријател, создавате нов пакет статистички податоци за кои големите корпорации ќе понудат огромни пари за да ги добијат.

Колку вреди вашиот профил и активности (во долари)

Врз основа на информациите добиени во јавноста пред објавувањето на акциите на Фејсбук, Волстрит журнал ја процени вредноста на индивидуалните профили, лајкови…

– Само вашето присуство вреди околу 81 УСД
– Секој ваш пријател на профилот вреди околу 0,62 УСД
– Секој ваш „лајк“ вреди околу 0,03 УСД
– Во просек, секој профил вреди 1.800 американски долари
– Сериозна деловна група или страница вреди и до 3,1 милиони долари

Според извештајот на Фејсбук во декември 2011 година, тие имале 845 милиони корисници. Тоа е раст од 608 милиони во споредба со 2010 година и 360 милиони во споредба со 2009 година. Фејсбук тврди дека корисниците кликнуваат на „Like“ или објавуваат коментар 2,7 милијарди пати на ден. Гледајќи го експоненцијалниот раст на Фејсбук во последните три години, се проценува дека тие собрале 2,11 трилиони информации што можат да ги продадат.

На овој начин, Фејсбук заработува околу 1,2 милиони долари на ден од бесплатната работа на своите корисници, создавајќи го она што Волстрит журнал го нарекува „најголема неплатена работна сила во историјата“.