Зоран Крајоски, нов секретар на Општина Гостивар

Промени на функцијата секретар во Општина Гостивар. За нов секретар е именуван Зоран Крајоски, на местото на досегашниот Назми Елези.

Крајоски е дипломиран економист и магистар по правни науки. Има долгогодишно работно искуство, бил директор на општата болница во Гостивар, а пред да стане секретар на општината беше советник во Фондот за здравствено осигурување на Македонија.

„Како секретар на општината, мојата визија според функцијата, секако е да се зајакнуваат институционалните капацитети за поголема ефикасност и достапност до граѓаните, со цел тие секогаш да добиваат навремени и квалитетни услуги“, рече Крајоски за Gostivarpress.mk.