Зошто домашнте миленици се добри за децата?

Ако сте израснале покрај домашно милениче, веројатно сметате дека животните ви се вистински пријатели. Во очите на детето, миленичето е дел од семејството, а научните истражувања покажуваат дека децата кои имаат одредени проблеми, повеќе се потпираат на домашните миленици отколку на браќата или сестрите. Новото истражување на Кембриџ всушност и зборува за тоа како животните можат да им помогнат на децата да ги развијат своите вештини и самодоверба.

Резултатите од истражувањето ги сумираше др. Мет Каселс кој ги анализирал податоците од 10-годишнита студија наречена Toddlers Up Project, која имала за цел да го прати социјалниот и емоционалниот развој на децата на возраст од 2 до 12 години. Каселсовата студија се фокусирала на деца со ниски когнитивни способности и нивниот однос со семејството, врсниците, учителите и милениците.

Каселовото истражување покажало дека домашните миленици имаат многу големи и неочекувани резултати на социјалните вештини на децата. Нималку изненадувачки, децата кои се соочуваат со тешки периоди од животот, како што се развод на нивните родители или генерално тешки услови за живот, се скоро секогаш покревки од своите врсници, а често послаби и во училиште. Истите тие деца, исто така, повеќе се потпираат на своите миленичиња отколку на своите врсници – другарчиња.

“Тоа е навистина чудно. Тие, веројатно чувствуваат дека нивните миленици не ги осудуваат, тие немаат свои проблеми и тука се само да ги слушаат нивните“, вели Каселс.

Децата кои силно се поврзани за своите домашни миленици, исто така, се подобри во друштвените ситуации, во помагањето на другите, соработка, споделување и интеракција. Поврзувањето со домашното милениче, дало голем придонес во нивната способност да се поврзуваат со луѓето.

Претходни испитувања покажале дека домашните миленици можат да им помогнат на децата со аутизам, дека покажуваат подобри социјални вештини, посебно ако тие миленици се кучиња. Децата кои редовно комуницираат со кучињата подобро комуницираат со луѓето, а и подобро реагираат на друштвото околу себе. Други студии заклучиле дека домашните миленици можат да го подобрат сочувствувањето, самодовербата и го намалуваат стресот кај децата.