Зошто е добро да се пости

Постот e духовно прочистување. Ја чисти душата, а потиснатите мисли, чувства и проблеми, пријатни и непријатни, излегуваат на површина и со самото тоа, во овој период имаме поголема шанса за изнаоѓање на нивно решение. Постот е патот до духовното просветлување. Некои од најинспиративните поетски и филозофски дела се создадени за време на пост.

Оние кои никогаш не постеле се убедени дека за време на целосна или делумна апстиненција од одреден вид на храна, лицето се чувствува изнемоштено и слабо. Но оние кои постат знаат дека вистината е потполно спротивна. Постот ја враќа енергијата и мотивираноста кај човекот.

Освен духовните, еве и неколку световни придобивки. Постот освен што ја прочистува душата го прочистува и нашето тело. Свесното откажување од храна има многу корисен ефект врз нашиот организам и неговото прочистување.

Постот е пауза во текот на која телото се опоравува од преработка на секогаш нови хранливи материи. Тој претставува внатрешно чистење од токсини наталожени од недоволно сварената храна. Тие се плакнат од сврзните ткива, па преку бубрегот се исфрлаат надвор.

Постот претставува одлична терапија за лечење на одредени болести поврзани со нездрава исхрана како што се дебелина, дијабетис, акни, алергии и тн.

Постот е поттик за убавина. Со поголема циркулација на крвта, кожата станува сјајна и полна со руменило.

Постот ја зголемува кондицијата. Ако на телото му се даде шанса да се одмори од тромоста предизвикана од тешка храна, може непречено да ја ослободи скриената внатрешна сила што ќе ја црпи од насобраните резерви. Всушност, оваа енергија е далеку поефикасна од онаа добиена директно од храната. Така што во текот на постот не би требало да се откажувате од вообичаените спортски активности и тренинзи. Во текот на постот, физичката активност и движењето се повеќе од добродојдени.

Добро е да се пости и барем еден ден во неделата дури и со целосна апстиненција од храна, особено луѓето со вишок на килограми. Организмот тој еден ден е ослободен од преработка на храна со самото тоа се ослободува од токсините.

Децата, трудниците, доилките и лица со заболувања поврзани со метаболизмот не треба да постат или задолжително да се консултираат лекар.