Зошто мобилните телефони секогаш ви паѓаат на страната од екранот?

Сепак нема да е тоа до малер или лоша среќа – еве зошто мобилните телефони секогаш паѓаат од екранот.

Колку е поскап мобилниот телефон, толку се поголеми шансите да ви падне токму на екранот?? Некои велат дека тоа е поради лоша среќа, други заради чиста физика. Роберт Метјус, физичар од Универзитетот Астон, открива дека главните виновници се најчесто материјалите од кои е направен мобилниот телефон. Иако, најчесто се обвинуваме дека сме малер и дека тоа се случува поради лоша среќа, сепак изгледа дека физиката игра главна улога во овие случаеви.

Потврдено е дека ако го држите мобилниот во едната рака со прстите под центарот на гравитација на мобилниот (најчесто таа позиција е кога пишувате пораки со едната рака), постои поголема шанса мобилниот да се преврти над врвовите на прстите.

Должината, гравитацијата и аголот на мобилниот телефон за време на падот играат важна улога. Така да, следниот пат кога ќе го оштетите по рабовите, изгребете или пукнете екранот, не го обвинувајте Марфи и неговиот закон Сè што треба да тргне наопаку, ќе тргне наопаку – почнете да ја обвинувате физиката.

Веќе ни станува јасно дека вашиот мобилен телефон ви е и пријател и ретко кој може да издржи без него. Ова е причината зошто пад на телефонот или скршен екран може да ви го уништи цел ден.