Pse fara e lulediellit duhet të hahet rregullisht?

Luledielli është burim i pasur i materieve ushqyese dhe është shumë i mirë për shëndetin tonë. Kjo farë përmban numër të madh të acideve, vitaminave dhe mineraleve, të cilat i ndihmojnë organizmit tonë.

Luledielli më së shpeshti kultivohet për shkak të vajit që e përdorim çdo ditë për t’i përgatitur ushqimet, dhe për këtë shfrytëzohen farat e lulediellit.

Ato munden të bahen të papërpunuara ose të pjekura, si meze.

Këta janë përfitimet e farës:

Janë të pasura me materie ushqyese 

Farat e lulediellit janë burim i mirë i vitaminave, veçanërisht vitaminave të grupit B, vitaminat C dhe E. Ato përmbajnë pjesë të madhe të mineraleve esenciale siç janë fosfori, magneziumi, mangani, zinku dhe hekuri. Të gjitha së bashku, e veçanërisht ato, ndihmojnë në mirëmbajtjen e kockave, indeve dhe organeve vitale dhe më së shumti ndihmojnë në procesin e shërimit.

I ndihmojnë zemrës 

Farat e lulediellit përmbajnë një përqindje të lartë të acidit linoleik,  e cila ndihmon të zvogëlohen yndyrnat. Fara përmban edhe acid oleinik, e cila mund t’i zvogëlojë trigliceridet, që janë shkak për probleme të zemrës.

Ndihmojnë te njerëzit me diabet 

Njerëzit me diabet nuk munden të prodhojnë mjaftueshëm insulin për të marrë glukozë në qelizat e tyre. Rezultati është zmadhimi i nivelit të sheqerit në gjak dhe dëmtimin e enëve të gjakut dhe organeve vitale. Farat e lulediellit Jo vetëm që kanë indeks të ulët glikemik, por përmbajnë edhe acid klorogjenik, e cila e kontrollon nivelin e sheqerit në gjak.

Fara e lulediellit na i ruan eshtrat 

Përskaj kalciumit, eshtrave u duhet bakër dhe magnezium. Këto minerale gjenden edhe në farën e lulediellit. Farat e lulediellit janë të pasura me magnez, që është garancioni më i mirë se eshtrat e juaja do të jenë të shëndosha. Parandalon ngërçe në muskujt, është e pasur me bakër, i cili siguron fleksibilitet në eshtra dhe nyje. Përdorimi i rregullt i farës gjithashtu mund të parandalojë edhe artritin.

Ato e përshpejtojnë shërimin e plagëve 

Disa hulumtime kanë vërtetuar se luledielli mund të ndihmoj në shërimin e plagëve. Acidi linoleik në farë ndihmon që të përshpejtohet shërimi i plagëve.

Na i ruajnë lëkurën dhe flokët 

Këto fara do të ndihmojnë që flokët tuaja dhe thonjët të shndërrisin. Vitamina E, me të cilën janë të pasura, është ilaçi më i mirë kundër plakjes dhe mjeti më i mirë për rikuperimin e lëkurës. Vitamina E parandalon paraqitjen e akneve dhe disa sëmundje tjera të lëkurës, ato janë të shkëlqyeshme për piling të fytyrës, e mund të përdoren edhe për pastrimin e gjithë trupit.

Për shkak të përmbajtjes acidit linoleik yndyror esencial, vitamina E dhe proteina, konsumimi i rregullt i farës e hidraton lëkurën e dehidratuar dhe mund të ndihmojë gjatë ekzemës. Trupi përdor bakër për prodhimin e e melaninës, e cila i jep lëkurës ngjyrë të bukur dhe të shëndoshë, kurse bakri u ndihmon proceseve metabolike të organizmit duke u ndihmuar qelizave të prodhojnë energji.