ВИДЕО | Осмомартовско интервју со д-р Елеонора Спасовска, специјалист радиолог

За големината, силата и мудроста на жените треба да се зборува секојдневно, но секако Меѓународниот ден на жената, 8 Март е особен повод за тоа.

Го искористивме овој значаен датум од човековата историја, да направиме видео интервју со една исклучителна жена од Гостивар, која меѓу луѓето важи за голема професионалка и грижлива докторка, активна, хумана и посветена во заедницата, добра пријателка…

Со д-р Елеонора Спасовска, специјалист радиолог во гостиварската општа болница зборуваме за почетоците и развојот на медицинската кариера, животните предизвици, а отвораме разговори и за некои „женски“ прашања, улогата на жената во општеството и семејството, изворите од каде што таа црпи енергија и инспирација, дали жените едни на други во денешно време си даваат поддршка, колку е потребна помошта и поддршката од мажите итн.

„Силата и моќта на жената треба да се прославува барем еднаш во месецот, а не само на 8 Март. Да има по еден „8 Март“ во секој месец. Не велам дека можеме без машкиот пол, и мора да имаме поддршка од нив, но сметам дека жената треба да се чува и почитува многу повеќе.“ вели меѓу другото д-р Спасовска.

Целото Осмомартовско видео интервју погледнете го на нашите канали на: Rumble, Youtube и Telegram.