Македонија против Португалија ја бара првата победа на ЕвроВолеј 2026

Македонската машка одбојкарска репрезентација попладнево го игра четвртиот натпревар во групната фаза на ЕвроВолеј 2026. Од 15 часот по македонско време, во арената „8888“ во Софија, избраниците на селекторот Миленкоски ќе се соочат со Португалија, директен конкурент во битката за место во осминафиналето.

И Македонија и Португалија ја бараат првата победа на овогодишното Европско првенство. Македонските одбојкари во досегашните три натпревари загубија од фаворизираните Полска, Бугарија и Украина, додека Португалија, покрај поразите од истите три репрезентации, одигра и тежок натпревар со Израел, кој го загуби со 3:2 во тајбрејк.

За Македонија ова е четврти натпревар во групата, додека за Португалија дуелот со нашата репрезентација ќе биде петти, што може да биде важен фактор во завршницата на натпреварот.

Двете селекции по четврти пат во низа настапуваат на Европското првенство, но досега ниту еднаш не се сретнале на континенталниот шампионат.

Македонските одбојкари во денешниот дуел влегуваат со голем мотив и оптимизам. Победа против Португалија би значела голем чекор кон остварување на целта, пласман во осминафиналето на ЕвроВолеј 2026.