Партиите ги објавија кандидатите за градоначалник на Брвеница

Во Општина Брвеница на 18 октомври ќе се одржат вонредни избори за градоначалник, а партиите деновиве ги објавија кандидатите со кои ќе влезат во оваа трка.

ВМРО-ДПМНЕ за градоначалник ќе го кандидира Стојано Радичевски, актуелен претседател на Општинскиот комитет на партијата во Брвеница. Како што соопштија од ВМРО ДПМНЕ, Радичевски дипломирал на Правниот факултет „Јустинијан Први“ и е магистер по граѓанско право.

Кандидат на СДСМ ќе биде Јовица Радески, актуелен советник, за кого од партијата наведуваат дека доаѓа од приватниот сектор и е ветеринар.

ВРЕДИ објави дека нивен кандидат ќе биде Јакуп Хусеини, магистер по правни науки, моментално државен службеник во Општина Брвеница.

НАИ (коалиција АА и ДУИ) за градоначалник на Брвеница ќе го кандидира Аркин Јахији, магистар по јавна администрација, државен советник во Министерството за правда.

Вонредните избори за градоначалник на Општина Брвеница се респишаа, откако во јуни ненадејно почина градоначалникот на оваа општина, Ивица Илиевски.