Гостивар: Деца на 12 и 16 години возеле без дозвола, едното предизвикало несреќа и побегнало

Тројца малолетници, меѓу кои и дете на само 12 години, викендов што измина биле затекнати како управуваат моторни возила во гостиварскиот регион, соопшти полицијата. Двајца од нив се на возраст од 16 години, а во еден од случаите малолетникот предизвикал сообраќајна несреќа и го напуштил местото на настанот.

На 19 септември во 16:30 часот во село Топлица, полициски службеници од Полициското одделение за безбедност на патниот сообраќај Гостивар лишиле од слобода 16-годишен малолетник од селото, кој управувал автомобил „мицубиши колт“ без регистарски таблички. Во село Добридол со возилото предизвикал сообраќајна несреќа, по што го напуштил местото на настанот.

Истиот ден, во 17:30 часот во Врапчиште, полициски службеници од Полициското одделение Галате сопреле мотоцикл со гостиварски регистарски ознаки, кој го управувал 12-годишен малолетник од селото. Случајот е поврзан со кривично дело по член 297-а од Кривичниот законик (Загрозување на безбедноста на сообраќајот). СВР Тетов наведе дека по насоки на јавен обвинител, следува разговор со малолетникот во присуство на родител и инспектор за малолетници.

Во трет случај, на 20 септември во 02:30 часот, на улицата „Браќа Ѓиноски“ во Гостивар, полицијата сопрела патничко возило „фиат“ со тетовски регистарски ознаки, управувано од 16-годишен малолетник од село Ѓурѓевиште. При контролата било констатирано дека возилото го управувал без возачка дозвола. Малолетникот бил лишен од слобода.

Возилата биле одземени, а по документирањето на случаите, од полицијата најавуваат дека ќе следуваат соодветни поднесоци.

На денешен ден пред 5 и 10 години...
Се сеќавате?

Пред 5 години | 21.09.2021

• 
  Од тестирани над 4.000 лица за коронавирус, позитивни се 554, има 17 починатиВо последните 24 часа се направени 4.072 тестирања, а регистрирани се 554…
• 
  Од најголем асортиман на органска храна, до сегмент за нега и убавина – што сè можете да пронајдете во dm дрогериите?Со асортиман кој брои повеќе од 13.500 производа, dm дрогериите се познати…
• 
  Comodita Home донираше душеци на Детска Клиника КозлеСо ова почнува хуманата мисија на Comodita Home под слоганот „Секој сон е важен“ во вредност од…

Пред 10 години | 21.09.2016

• 
  Средношколците го одбележаа Светскиот ден на миротУчениици од средношколските училишта од Гостивар со марш низ улиците го одбележаа 21…
• 
  Театар "Дунек" од Гостивар со нова премиераВо НУ Центар за култура „АСНОМ" во Гостивар, на ден 23.09.2016 со…
• 
  Успешна приказна на "ГОСТИВАРСКИТЕ ММА БОРЦИ"Веке 8 години во Гостивар функционира ММА клубот Protector-Dolcino MMA fight club. Повлечени…

Архива 10 години • Gostivarpress.mk